အတွေးဒဿနစာစုများ(၆)
----------------------------------
အခက်အခဲဆိုတာ အောင်မြင်မှုရဲ့မိခင်ပါ။
အခက်အခဲဆိုတာမရှိရင် စစ်မှန်တဲ့အောင်မြင်မှု
ဆိုတာလည်းရှိလာမှာမဟုတ်ဘူး။ အခက်အခဲတွေကို
ကျော်လွှားနိုင်မှ အောင်မြင်မှုကိုရမယ်။
မသမာတဲ့နည်းတွေနဲ့အောင်မြင်ထားတာထက်
ရိုးသားစွာကျရှုံးခြင်းက ပိုပြီးတန်ဖိုးရှိ မြင့်မြတ်ပါတယ်။
ဘဝမှာအရေးအကြီးဆုံးက
အရေးအကြီးဆုံဆိုတဲ့ လက်ရှိအချိန်မှာ
အရေးအကြီးဆုံးဆိုတဲ့အလုပ်တစ်ခုကို လုပ်နေဖို့ပါပဲ။
မင်းက်ိုပညာတွေသင်ပေးနေတဲ့ ဆရာသမားဆိုတာ
တစ်ချိန်တုန်းက မင်းလိုတပည့်လေးတစ်ယောက်ပါပဲ။
ဆရာဖြစ်ချင်ရင်တော့ တပည့်အရင်ခံရမယ်။
သူ့လိုဖြစ်ချင်ရင်တော့ သူ့လိုပဲကြိုးစားရမယ်။
မြစ်တစ်စင်းလို ကောက်ကွေ့ပြီး
ဝင်္ကပါလိုမာယာများတဲ့ လောကဓံလှည့်ကွက်တွေအောက်မှာ
ဘာတွေဖြစ်လာမယ်ဆိုတာ ကြိုတင်မသိနိုင်ပေမဲ့
မျှော်လင့်ချက်တွေနဲ့ ရင်ခုန်နေမိတယ်။
အခက်အခဲများစွာနှင့် ကြမ်းတမ်းသောဘဝလမ်းခရီး၏
အဆုံးတွင် ပျော်ရွှင်ဖွယ်ကောင်း၍ သာယာလှပသော
ဘဝအိမ်ကလေးတစ်လုံးရှိသည်။
စိတ်သောကဖိစီးမှုတွေနဲ့ မွန်းကျပ်နေတဲ့ ဘဝဆိုတဲ့
အိမ်ကြီးမှာ ပျော်ရွှင်ရယ်မောခြင်း ဆိုတဲ့ တံခါးတစ်ချပ်ကို
အမြဲတမ်းဖွင့်ထားသင့်တယ်။
သည်းခံတယ်ဆိုတာက
အရှုံးပေးလိုက်တာမဟုတ်ပါဘူး။
မြင့်မြတ်စွာ အနိုင်ယူလိုက်တာပါပဲ။
(လွတ်လပ်စွာသဘောထားကွဲလွဲနိုင်ပါသည်)
ညီလေးမောင်
No comments:
Post a Comment